പ്രകാശം കാണാന്‍ പറ്റുമോ ?

പറ്റില്ല.
പ്രകാശത്തെ നമുക്ക് കാണുവാൻ സാധിക്കില്ല. മറിച്ച് പ്രകാശം പതിക്കുന്ന ( പ്രതിഫലിപ്പിക്കുന്ന ) വസ്തുക്കളെ മാത്രമാണ് നാം കാണുന്നത്.

എന്തുകൊണ്ടാണ് നമ്മുടെ സീലിംഗ് ഫാന് 3 ന് പകരം 4 ഉം 5 ഉം പങ്കകൾ ഇല്ലാത്തത് ?

ചിലർ വിചാരിക്കുന്നത് ഫാനിന്‍റെ പങ്കയുടെ എണ്ണം കൂട്ടിയാൽ കൂടുതൽ കാറ്റ് കിട്ടും എന്നാവും. എന്നാൽ സംഗതി അങ്ങനെ അല്ല. കൂടുതൽ പങ്കകൾ ഉണ്ടെങ്കിൽ കൂടുതൽ വായുവിനെ താഴേക്കു തള്ളിവിടും. എന്നാൽ ഫാനിന്‍റെ ഭാരം കൂടും. അതിനാൽ സ്പീഡ് കുറയും. 3 പങ്കകൾ മാത്രം ആവുമ്പോൾ ഭാരം കുറയും. അതിനാൽ കൂടിയ സ്പീഡിൽ കൂടിയ വേഗത്തിൽ കാറ്റു കിട്ടും. വേഗതയേറിയ കാറ്റിൽ കൂടുതൽ വിയർപ്പ് ബാഷ്പീകരണം കാരണം കൂടുതൽ തണുപ്പും നമുക്ക് അനുഭവപ്പെടും.

നമ്മൾ നക്ഷത്ര ധൂളികളാൽ നിർമിതമാണോ ?

അതെ, നമ്മൾ നക്ഷത്രങ്ങളിൽ നിന്നുള്ള മൂലകങ്ങളാൽ ആണ്  ഉണ്ടായത്.

ബിഗ്‌ബാങ് വഴി ഉണ്ടായി എന്ന് കരുതപ്പെടുന്ന നമ്മുടെ ഈ പ്രപഞ്ചത്തിൽ ആദ്യം  ഹൈഡ്രജൻ, പിന്നെ അൽപ്പ  സ്വല്‍പം ഹീലിയവും  മാത്രമേ ഉണ്ടായിരുന്നുള്ളൂ. അങ്ങനെ ഉണ്ടായ ഹൈഡ്രജനും ഹീലിയവും സ്വയം ഗ്രാവിറ്റിയിൽ  ഒന്നിച്ചുകൂടി നക്ഷത്രങ്ങൾ ഉണ്ടായി. ആ നക്ഷത്രങ്ങൾക്കുള്ളിൽ അത്യധിക  മർദത്തിൽ ഫ്യൂഷന്‍  വഴി ഭാരം കൂടിയ മൂലകങ്ങൾ ഉണ്ടായി. പീരിയോഡിക് ടേബിളിൽ 26 ( Fe) Iron വരെയുള്ള മൂലകങ്ങൾ നക്ഷത്രത്തിനുള്ളിൽ നക്ഷത്രമായിരിക്കുമ്പോൾത്തന്നെ  ഫ്യൂഷന്‍ വഴി ആണ് ഉണ്ടായത്. എന്നാൽ 26 ന് മുകളിൽ ആറ്റമിക് നമ്പർ ഉള്ള ചെമ്പ്, വെള്ളി, സ്വർണം തുടങ്ങിയ എല്ലാ മൂലകങ്ങളും ''നക്ഷത്ര സ്ഫോടന'' സമയത്താണ് ഉണ്ടാവുന്നത്.

നമ്മൾ ലൈറ്റും ഫാനും ഓഫാക്കിയാൽ എങ്ങനെ കറന്‍റ് സേവ് ആവും ?

നമ്മുടെ ജലവൈദ്യുത നിലയമായാലും താപവൈദ്യുത നിലയമായാലും എപ്പോഴും പ്രവർത്തിച്ചുകൊണ്ടിരിക്കും. അപ്പോൾ നമ്മൾ വൈദ്യുത ഉപകരണങ്ങൾ ഓഫ് ആക്കിയാൽ എങ്ങനെയാണ്   വൈദ്യുതി ലാഭിക്കുന്നത് ? ഉണ്ടാക്കിയ വൈദ്യുതി ബാറ്ററിയിൽ സേവ് ചെയ്ത് വയ്ക്കുമോ ?

സൂര്യഗ്രഹണം നോക്കിയാൽ എന്തുകൊണ്ടാണ് കണ്ണ് പോകും എന്ന് പറയുന്നത് ?

പൂർണമായ സൂര്യഗ്രഹണം കണ്ണുകൊണ്ട് നോക്കുന്നതിൽ ഒരു കുഴപ്പവും ഇല്ല. ഒരുപക്ഷെ നമുക്ക് കാണാൻ കഴിയുന്നതിൽ ഏറ്റവും മനോഹരമായ ഒരു പ്രകൃതി ദൃശ്യം ആയിരിക്കും അത്. കറുത്ത ചന്ദ്രന് ചുറ്റും തീകൊണ്ടുള്ള തേജോവലയം. തികച്ചും മാസ്മരികമായ കാഴ്ചയാണത്.

ചന്ദ്രനിലെയും ഭൂമിയിലെയും അന്തരീക്ഷം തമ്മിൽ പ്രധാന വ്യത്യാസം എന്താണ് ?

രാജു : ചന്ദ്രനിലെയും ഭൂമിയിലെയും അന്തരീക്ഷം തമ്മിൽ പ്രധാന വ്യത്യാസം എന്താണ് മാഷേ ?

മാഷ് : ചന്ദ്രനിൽ വായു ഇല്ല. അതുകൊണ്ടുതന്നെ മേഘം ഇല്ല. പൊടിപടലങ്ങളും ഇല്ല. നമ്മൾ അവിടത്തെ മണ്ണ് കോരി മേലേക്ക് എറിഞ്ഞാലും ആ മണ്ണ് ഇരുമ്പു തരി കണക്കെ താഴേക്കു പതിക്കും. പറന്നു നടക്കില്ല. അവിടെ ഗുരുത്വാഘർഷണം കുറവായതിനാൽ താഴേക്കു വീഴുന്ന വേഗത കുറവായിരിക്കും എന്ന് മാത്രം.

ചന്ദ്രന്‍റെ ഉപരിതലം എന്ത് കൊണ്ടാ ഇങ്ങനെ ദോശയുടെ പുറത്തുള്ളപോലെ വട്ടങ്ങൾ കാണുന്നത് ?

ചന്ദ്രന്‍റെ ഉപരിതലം എന്ത് കൊണ്ടാ ഇങ്ങനെ ദോശയുടെ പുറത്തുള്ളപോലെ വട്ടങ്ങൾ കാണുന്നത് ? ഭൂമിയിൽ എന്തുകൊണ്ട് അങ്ങനെ കാണുന്നില്ല ?

കാരണം സിംപിൾ.. ഭൂമിയിൽ വായു കൊണ്ടുള്ള ഒരു അന്തരീക്ഷം ഉണ്ട്. ചന്ദ്രനിൽ അതില്ല. "സ്‌പേസിൽ നിന്നും പതിക്കുന്ന ഉൽക്കയും പൊടിപടലങ്ങളും മറ്റും നമ്മുടെ അടുത്തെത്താതെ ഭൂമീദേവി തടുത്ത്‌ അന്തരീക്ഷത്തിൽ വച്ചുതന്നെ കത്തിച്ചു കളയുന്നു" എന്ന് ആലങ്കാരികമായി പറയാം.

എന്തുകൊണ്ടാണ് വിമാന അപകടം ഉണ്ടാവുമെന്ന് തോന്നിയാൽ യാത്രക്കാർ പാരച്യൂട്ട് ഉപയോഗിക്കാത്തത് ?

വിമാനത്തിൽ പാരച്യൂട്ട് ഉപയോഗിക്കണമെങ്കിൽ ചില കാര്യങ്ങൾ നമുക്ക് അനുകൂലമായിരിക്കണം.
1) വേഗത വളരെ കുറവായിരിക്കണം.
2) 4 കിലോമീറ്ററിൽ താഴെ മാത്രം ഉയരത്തിൽ ആയിരിക്കണം. 
3) സുസ്ഥിരമായ അന്തരീക്ഷം ആയിരിക്കണം.

വലിയ മരുഭൂമികൾ ഒക്കെയും ഭൂമധ്യ രേഖയ്ക്ക് മുകളിലും താഴെയും ആണ് ഉള്ളത് !! എന്തുകൊണ്ട് ?

മരുഭൂമി ഉണ്ടാവാനുള്ള മുഖ്യ കാരണം ചൂടും മഴ ഇല്ലായ്മയും ആണെന്ന് എല്ലാവർക്കും അറിയാമല്ലോ. ഇവ രണ്ടും ഉണ്ടായാലേ മരുഭൂമി രൂപപ്പെടുകയുള്ളൂ ( അന്റാര്‍ട്ടിക്ക  ചൂടില്ലാത്ത ഒരു മരുഭൂമി ആണ്. അത് തല്‍ക്കാലം നമുക്ക് മറക്കാം ) സൂര്യന്‍റെ രശ്മികൾ കുത്തനെ പതിക്കുന്ന ഭാഗത്താണ് കൂടുതൽ ചൂട് അനുഭവപ്പെടുക. അങ്ങനെയെങ്കിൽ ഭൂമിയിൽ എവിടെ, എപ്പോഴൊക്കെ സൂര്യൻ കുത്തനെ തലയ്ക്ക് മുകളിൽ വരും എന്ന് നോക്കാം. 

മനസിലാകുവാൻ എളുപ്പത്തിന് നമ്മൾ ഭൂമധ്യരേഖയിൽ നിന്ന് സൂര്യനെ കാണുന്ന രീതിയിൽ പറയാം.

സൂര്യനെ ഒരു ബ്ലാക്ക് ഹോൾ ആക്കി മാറ്റിയാൽ എന്തൊക്കെ മാറ്റം സംഭവിക്കും ?

നമ്മുടെ സൂര്യനെ ഒരു ബ്ലാക്ക് ഹോൾ ആക്കി മാറ്റിയാൽ എന്തൊക്കെ മാറ്റം ഭൂമിക്കും മറ്റു ഗ്രഹങ്ങള്‍ക്കും സംഭവിക്കും ?

ബ്ലാക്ക് ഹോൾ എന്ന് കേൾക്കുമ്പോൾത്തന്നെ എല്ലാത്തിനേയും വലിച്ചെടുത്ത്‌ വിഴുങ്ങുന്ന ഒരു ഭീകരനെ ആണ് നമുക്ക് മനസിൽ വരിക. സൂര്യനെ അതിന്‍റെ തുല്യ മാസ് ഉള്ള ഒരു ബ്ലാക്ക് ഹോൾ ആക്കി മാറ്റിയാൽ ഭൂമിയേയും മറ്റു ഗ്രഹങ്ങളേയും ഒക്കെ വലിച്ചെടുത്ത്‌ വിഴുങ്ങിക്കളയുമോ ?

സൂര്യനെ ഭൂമി ചുറ്റുന്നു, ഭൂമിയെ ചന്ദ്രൻ ചുറ്റുന്നു, ചന്ദ്രനെ എന്താ ഒന്നും ചുറ്റാത്തത് ?

നമ്മുടെ സൗരയൂഥത്തിൽ ചന്ദ്രനെ കൂടാതെ ഏതാണ്ട് 150 ഓളം ചന്ദ്രന്മാർ ( ഉപഗ്രഹങ്ങൾ ) ഉണ്ട്. എന്നാൽ അതിലെ ഒന്നിന് പോലും മറ്റൊരു സ്വാഭാവിക ഉപഗ്രഹം  ഇല്ല. എന്തായിരിക്കും അതിനു കാരണം.